Omaggio a Jannicelli
Era lu tiempu di li regali,
lu tiempu di cassetti cu liquori
ca si facivanu tri voti l’annu,
pi Pasqua, pi Natali e Capudannu
Era lu tiempu bellu, ormai passatu;
Lu tiempu dittu: di li “racinara”,
lu tiempu ca fu dittu d’accussì
Lu colletturi di la fognatura
si stava costruiennu a stu paisi
sutta l’appaltu d’un palermitanu
ch’era Direttu di lu Jannicelli.
Eranu tiempi belli.
L’appartaturi ch’era omu “di nasu”,
vista l’usanza ch’era di paisi,
pinsà di qualchi cosa regalari
a lu so Diretturi di Lavori ma,
si’nfurmà pi nun criari sbagliu,
chi cosa cci piacissi a sa persuna,
sapiennu ch’era onesta e rispittusa
e lu regalu certu… ‘unn’era cosa’.
Timidu, dumannà a la ma persuna,
chi tipu di regalu era graditu
a stu ‘ngignieri chiusu e riservatu,
vistu ca ju c’era vicinu e amicu?
Cu tantu tattu e cu tanta prudenza,
truvavu lu momentu e l’occasioni
pi prospettaricci la situazioni
sapiennu di l’impresa l’insistenza.
Cu lu so fari, tantu ‘ntelligenti,
mi detti na risposta spiritusa
mentri stringiva forti la ma manu:
“ducentu grammi di lu Parmiggianu?”
Era accussì sta gran bella persuna
onesta, tanta cara, e ‘ntelligenti,
oltre a li so talenti.
Canicattì lì 22/09/2018
Lillo Curto
Nessun commento:
Posta un commento